Innlent

Fundu 600 töflur af rítalíni og skotvopn í húsleit

Jón Hákon Halldórsson skrifar
Lögreglan á höfuðborgarsvæðinu lagði hald á haglabyssur, riffla með hljóðdeyfum, lyfseðilsskyld lyf og peninga í húsleit síðastliðinn föstudag.

Málavextir voru þeir að lögreglan fékk upplýsingar um að karlmaður á fimmtugsaldri væri að selja lyfseðilsskyld lyf. Við húsleit fundust tvær haglabyssur, tveir rifflar og hljóðdeyfar á þá. Einnig fannst töluvert magn af lyfjum að mestu leyti í sölupakkningum. Við nánari athugun kom í ljós að um var að ræða tæplega 600 töflur af Ritalíni og rúmlega 100 töflur af Mogadon.

Á vettvangi fundust einnig nokkrar milljónir í peningum og seðlatalningavél sem lögreglan segir að gefi ákveðnar vísbendingar um umfang sölunnar. Við yfirheyrslu játaði maðurinn að hafa selt lyfseðilsskyld lyfi til langs tíma.

Mest lesið


Fleiri fréttir

Sjá meira


×

Mest lesið