Frakkar stórir í þorskkaupum

Fiskkaupendur í Frakklandi keyptu á fyrsta ársfjórðungi þessa árs 45% meira af ferskum þorski en á sama tíma í fyrra og um 90% meira af ýsu.

Þetta kemur fram í tölum Hagstofu Íslands sem Landssamband smábátaeigenda tók saman.

Frakkar kaupa mest allra þjóða af ferskum þorski frá Íslandi en Bretar voru þar lengst af stærstir.

Athyglisvert er að þrátt fyrir kvótasamdrátt í ýsu hefur heildarmagn til útflutnings aukist um 9% milli ára, varð alls 1.421 tonn. Sambærilegar tölur í ferskum þorski eru 19% og 3.770 tonn. - shá