Clooney gerði mistök þegar enginn tók eftir því

George Clooney er ánægður með að hafa gert flest sín mistök þegar hann var yngri.

„Ég hef gert nokkur mistök í gegnum tíðina og tekið heimskulegar ákvarðanir, flestar í byrjun ferilsins. Sem betur fer gat ég gert þessi mistök snemma á ferlinum þegar enginn tók eftir því,“ sagði leikarinn við The Daily Telegraph. „Ég lék í mörgum lélegum sjónvarpsþáttum og var hræðilegur í þeim,“ bætti fyrrum ER-leikarinn við.

Nýjasta kvikmynd hans, The Descendants, fékk nýverið Golden Globe-verðlaunin.