Hópslagsmál á Bíladögum

Tilkynnt var um hópslagsmál í miðbæ Akureyrar í nótt en þar í bæ fer hátíðin Bíladagar fram. Að sögn lögreglu voru fimm fluttir á slysadeild eftirð hafa lent í slagsmálum í miðbænum en mikill mannfjöldi safnaðist saman fyrir utan skemmtistaðina eftir lokun. Þrír menn ruddustu inn á heimili í bænum og lömdu húsráðanda. Árásin tengist deilum á milli aðila, segir lögregla en húsráðandi slapp með minniháttar áverka.

Tveir voru teknir fyrir ölvun við akstur en annar þeirra ók á staur og utan í bifreið. Þá voru aðrir tveir handteknir eftir að hafa sparkað og skemmt bíl á bílastæði í miðbænum. Nokkrar tilkynningar bárust um ökumenn svo voru að spóla í hringi með tilheyrandi hávaða og látum. Tveir ökumenn voru teknir fyrir ofhraðan akstur en annar þeirra, sem var á mótórhjóli, mældist á 93 kílómetrahraða á klukkustund þar sem hámarkshraði er 50.