Hatton á leið aftur í hringinn

Enski hnefaleikakappinn Ricky Hatton hefur kallað til blaðamannafundar á föstudag þar sem hann mun líklega tilkynna endurkomu sína í hringinn.

Hatton lagði hanskana á hilluna í fyrr en barðist síðast í maí árið 2009 þegar hann tapaði fyrir Manny Pacquiao. Hann barðist 47 sinnum á ferlinum og tapaði aðeins tvíegis - fyrir Pacquiao og Floyd Mayweather.

Hann hefur æft stíft á þessu ári og sagður hafa lést um 20 kíló. Hatton er 33 ára gamall og hefur þegar sótt um keppnisleyfi hjá hnefaleikasambandi Bretlands.