Gestur í Bláa lóninu gripinn með hjartastuðtæki

Gestur í Bláa lóninu var handtekinn í gærkvöld. Um er að ræða karlmann á þrítugsaldri sem grunaður var um vörslur fíkniefna. Hafði sígarettupakki fallið úr vasa á baðslopp mannsins á bakka lónsins og reyndist í honum vera glær poki. Í pokanum var grænt efni sem talið er vera kannabisefni.

Í skáp mannsins í baðklefanum fannst síðan hjartastuðtæki, sem var varið inn í blátt handklæði. Tækið hafi horfið úr sjúkraherbergi Bláa lónsins. Þá hafði hann tekið út veitingar fyrir rúmlega tíu þúsund krónur, sem hann kvaðst síðan ekki vera borgunarmaður fyrir. Loks reyndist maðurinn vera með fjóra farsíma þegar hann var handtekinn. Lögreglan á Suðurnesjum segir að grunur leiki á að um þýfi sé að ræða.