Emma Watson elskar Of Monsters and Men

Emma Watson er stödd hér á landi við tökur á myndinni Noah í leikstjórn Darren Aronofsky eins og flestum ætti að vera kunnugt. Hún hefur verið dugleg að segja vinum sínum á samskiptasíðunni Twitter frá dvöl sinni hér á landi. Nýjasta "tístið" hennar snýr að íslensku tónlistarfólki. Nú síðdegis sagðist hún dýrka Of Monsters and Men, Sóley og Ólaf Arnalds og við þetta setur hún merkið "#goiceland".

Í síðustu viku sagði hún frá því þegar hún fór í Háskólabíó og horfði á nýjustu mynd Woody Allen, To Rome with love. Hún skildi þó ekki mikið því myndin var á ítölsku og með íslenskum texta. Leikkonan er einna þekktust fyrir hlutverk sitt í Harry Potter-myndunum.

Twitter-síða Emmu.