Jose Maria Olazabal, fyrirliði Ryder-liðs Evrópu, hefur valið Thomas Björn, Darren Clarke og Paul McGinley sem þrjá af fjórum varafyrirliðum liðsins.
Olazabal mun tilkynna fjórða varafyrirliðann 27. ágúst ásamt fjórum kylfingum að eigin vali sem unnu sér ekki sæti í tólf manna liðinu.
„Þú þarft augu, fleiri augu til þess að fylgjast með kylfingunum á æfingahringjunum og afla eins mikilla upplýsinga um hve vel þeir eru að spila," sagði Olazabal um hlutverk varafyrirliðanna.
Ryder-bikarinn fer fram á Medinah-vellinum í Chicago helgina 28.-30. september. Lið Evrópu á titil að verja.
Olazabal hefur valið þrjá varafyrirliða
