Eitt skipa Eimskips strandaði norðanvert í Noregi

Um klukkan sex í morgun strandaði frystiskipið Polfoss skip Eimskipafélagsins við eyjuna Altra í norður Noregi.

Í tilkynningu segir að ekki urðu slys á áhöfn og ekki vitað um skemmdir á skipi og farmur er óskemmdur.

Polfoss strandaði á sandgrynningum og ekki hefur verið vart við neinn olíuleka út skipinu. Skipið var að á leið frá Melbu til Alesund þegar óhappið varð. Veður á standstað er gott. Áhöfnin er að meta aðstæður og næsta flóð er um klukkan 13.45 á staðartíma.

Ekkert er vitað um tildrög strandsins að svo stöddu en félagið er vátryggt fyrir tjónum sem þessum.