Þrjátíu milljóna hraðaeftirlit: Flest brotin á Blönduósi

Sérstakt hraðaeftirlit lögreglu síðasta sumar kostaði rúmlega þrjátíu milljónir en alls tóku þrettán embætti víðsvegar um landið þátt í átakinu. Niðurstöðurnar voru kynntar með útgáfu skýrslu Ríkislögreglustjóra í dag en þar segir að alls hafi lögreglumenn ekið rúmlega 120 þúsund kílómetra.

Fjöldi hraðakstursbrota var 1616 en heildarfjöldi brota ökumanna rúmlega 2100. Lögreglan á Selfossi ók mest á meðan á eftirlitinu stóð eða tæplega 16 þúsund kílómetra.

Flest brotin voru skráð hjá lögreglunni á Blönduósi eða 17,5 prósent en næstflest hjá lögreglunni á höfuðborgarsvæðinu, 14 prósent.

Lesa má skýrsluna hér.