Vikulöng þjóðarsorg í Suður-Afríku hefst á morgun

Vikulöng þjóðarsorg hefst á morgun í Suður-Afríku eftir að 34 verkamenn í hvítagullsnámu nærri Jóhannesborg voru drepnir af lögreglumönnum. Jacob Zuma, forseti Suður-Afríku, sagði íbúa landsins brugðið í miklum sárum eftir átökin.

78 verkamenn eru særðir eftir átökin en 250 voru handteknir. Átökin áttu sér stað þegar verkamennirnir kröfðust hærri launa hjá vinnuveitanda sínum, Lonmin, sem er þriðja stærsta hvítagullsnámufyrirtæki veraldar.

Verkamennirnir voru vopnaðir sveðjum og hnífum en lögreglan heldur því fram að verkamenn hafi skotið að fyrra bragði á lögregluna.

Fyrirtækið neitar að koma til móts við verkamennina þrátt fyrir hryllilegan atburð, þeir segja að ef verkamennirnir mæti ekki til vinnu á morgun eigi þeir á hættu að vera reknir.