Fjórir fluttir á slysadeild eftir líkamsárásir

Fjórir ungir karlmenn voru fluttir með sjúkarbílum á slysadeild Landspítalans eftir þrjár fólskulegar líkamsárásir á höfuðborgarsvæðinu í nótt. Árásarmennirnir eru allir þekktir ofbeldismenn.

Fyrst réðust tveir karlmenn á þann þriðja utanhúss neðarlega á Laugaveginum um eitt leytið og veittu honum mikla áverka á höfði. Eftir að hann féll í götuna létu þeir spörk dyjna á honum liggjandi og komust undan áður en lögreglan kom á vettvang. Þolandinn þekkti til þeirra og þegar lögreglumenn handtóku tvo menn, sem höfðu gengið í skrokk á þeim þriðja á Lækjargötu í Hafnarfiðri síðar í nótt, reyndust það vera árásarmennirnir af Laugaveginum. Þeirra bíða yfirheyrslur í dag, en þolandinn var fluttur á Slysadeild.

Tveir voru svo fluttir á slysadeild eftir að sá þriðji réðst á þá í Lækjargötu í Reykjavík seint í nótt og barið þá í höfuðið með flösku þannig að þeir skárust tialsvert og blæddi nokkuð.