Segir af sér formennsku í Geðhjálp

Björt Ólafsdóttir hefur ákveðið að segja af sér formennsku í Geðhjálp, en í gær kom fram að hún mun leiða framboðslista Bjartrar Framtíðar í Reykjavíkurkjördæmi norður.

„Formennska í Geðhjálp afar krefjandi og tímafrekt sjálfboðaliðastarf sem ég hef sinnt eftir bestu getu síðastliðin tvö ár. Ég er afar stolt af því góða starfi sem ég hef fengið að taka þátt í með félaginu og þeim árangri sem við höfum náð. Það er því með söknuði og stolti sem ég í dag segi af mér sem formaður Geðhjálpar vegna mikilla anna sem ég má vænta á hinum nýja vettvangi," sagði hún í fréttatilkynningu en sendi auk þess stjórn og félagsmönnum Geðhjálpar ítarlegri tilkynningu sem barst þeim í gær.