Fyrrverandi bæjarstjóri á Akranesi leiðir lista Bjartrar framtíðar

Árni Múli Jónasson, lögfræðingur og fyrrverandi bæjarstjóri á Akranesi, verður í efsta sæti á lista Bjartrar framtíðar í norðvesturkjördæmi, samkvæmt ákvörðun fjörutíu manna stjórnar Bjartrar framtíðar.

Sex manna nefnd, sem hefur unnið að því að stilla upp listum fyrir Bjarta framtíð undanfarna mánuði, lagði fram tillögur að fjórum til fimm efstu mönnum í öllum kjördæmum.

Stjórnin samþykkti tillögurnar einróma.

Efstu sætin í norðvesturkjördæmi:

1. Árni Múli Jónasson, lögfræðingur og fyrrverandi bæjarstjóri á Akranesi

2. G. Valdimar Valdemarsson framkvæmdastjóri.

3. Solveig Thorlacius tilraunabóndi.

4. Magnús Þór Jónsson skólastjóri.

Önnur kjördæmi líta svona út:

Suðurkjördæmi:

1. Páll Valur Björnsson bæjarfulltrúi í Grindavík.

2. Guðlaug Elísabet Finnsdóttir kennari.

3. Heimir Eyvindarson tónlistarmaður.

4. Guðfinna Gunnarsdóttir framhaldsskólakennari.

Norðausturkjördæmi:

1. Brynhildur Pétursdóttir, starfsmaður Neytendasamtakanna.

2. Preben Jón Pétursson framkvæmdarstjóri.

3. Stefán Már Guðmundsson, aðstoðarskólastjóri grunnskólans á Reyðarfirði.

4. Hanna Sigrún Helgadóttir, framhaldsskólakennari á Laugum.

Reykjavíkurkjördæmi suður:

1. Róbert Marshall alþingismaður.

2. Óttarr Proppé, borgarfulltrúi í Reykjavík.

3. Brynhildur S. Björnsdóttir framkvæmdastjóri bókhalds- og rekstrarþjónustunnar Hagsýn.

4. Sigrún Gunnarsdóttir, lektor við hjúkrunarfræðideild HÍ.

5. Tryggvi Haraldsson, verkefnastjóri hjá Reykjavíkuborg.

Reykjavíkurkjördæmi norður:

1. Björt Ólafsdóttir, fráfarandi formaður Geðhjálpar og ráðgjafi hjá Capacent.

2. Heiða Kristín Helgadóttir, stjórnarformaður Bjartrar framtíðar og framkvæmdastjóri Besta flokksins.

3. Eldar Ástþórsson, markaðsmaður hjá CCP.

4. Friðrik Rafnsson þýðandi.

5. Jón Gnarr, borgarstjóri í Reykjavík.

Suðvesturkjördæmi:

1. Guðmundur Steingrímsson alþingismaður.

2. Freyja Haraldsdóttir framkvæmdastýra NPA miðstöðvarinnar.

3. Guðlaug Kristjánsdóttir sjúkraþjálfari og formaður BHM.

4. Erla Karlsdóttir varabæjarfulltrúi í Kópavogi og doktorsnemi í heimspeki.

5. Pétur Óskarsson framkvæmdastjóri.