Kærir vegna atviks í Heiðarholti

Kolfinna S. Magnúsdóttir bæjarfulltrúi í meirihlutanum í Garði, ætlar að leggja fram kæru vegna atviks á skammtímavistuninni Heiðarholti, sem heyrir undir Félagsþjónustu Sandgerðisbæjar, Garðs og Voga.

Kæruefnið, að sögn Kolfinnu í viðtali við Víkurfréttir, er að fötluð dóttir hennar hafi verið beitt harðræði í vistuninni þegar hún hafi verið tekin með valdi og þvinguð í bað í öllum fötum þar sem vatni var sprautað yfir hana.

Málsatvik eru ekki rakin nánar, en fram kemur að þegar hefur verið haft samband við Þroskahjálp, réttargæslumenn frá velferðarráðuneytinu, sálfræðing og sérfræðing í einhverfu, vegna málsins.