Oddný leiðir lista Samfylkingarinnar í Suðurkjördæmi

Oddný Harðardóttir fékk flest atkvæði í fyrsta sæti á lista Samfylkingarinnar í Suðurkjördæmi. Hún mun því leiða listann. Björgvin G. Sigurðsson verður í öðru sæti. Hann hlaut 669 atkvæði í fyrsta til annað sætið.

Oddný hefur verið þingmaður Samfylkingarinnar síðan 2009. Hún varð fjármálaráðherra um síðustu áramót en lét af því embætti í haust þegar Katrín Júlíusdóttir tók við.

Úrslit úr prófkjörinu eru annars sem hér segir.



1. Oddný G. Harðardóttir með 1010 atkvæði í 1. sæti

2. Björgvin G. Sigurðsson með 669 atkvæði í 1.-2. sæti

3. Arna Ír Gunnarsdóttir með 456 atkvæði í 1.-3.sæti

4. Árni Rúnar Þorvaldsson með 622 atkvæði í 1.-4. sæti

5. Ólafur Þór Ólafsson með 615 atkvæði í 1.-5. sæti

6. Bryndís Sigurðardóttir með 637 atkvæði í 1.-6. sæti

Fram kemur á vefsíðu Samfylkingarinnar að á kjörskrá voru 3548 flokksfélagar og stuðningsmenn Samfylkingarinnar. 1551 greiddu atkvæði sem er 43,71% kjörsókn.

Ekki þurfti að beita ákvæðum til þess að tryggja jafnt hlutfall kynja.

 

Kosning er bindandi í 4 efstu sætin.