"Hef ekki heyrt um þetta áður"

„Ég hef ekki heyrt um þetta áður en það er náttúrulega svo stutt síðan að fjölmiðlar fóru að vera svona „spondant" í dómsal. Þetta er gert til að tryggja að sakborningar geti ekki tekið mið af framburði þeirra sem eru á undan," segir Sigurður Tómas Magnússon, prófessor við lagadeild Háskólans í Reykjavík.

Sakskóknari fór fram á að fréttaflutningur í máli ákæruvaldsins gegn Annþóri Kristjáni Karlssyni og Berki Birgissyni yrði takmarkaður. Aðalmeðferðin fer fram í dag og á morgun. Dómari benti á að réttarhöldin væru opin en engu að síður þyrfti að taka tillit til hagsmunaaðila og þeirra vitna sem eiga að gefa skýrslu síðar í vikunni - þegar skýrslutökum er lokið.

Sigurður Tómas segir að heimild sé í sakamálalögum fyrir þessu. Spurður afhverju dómari loki þá ekki bara þinghaldinu, í staðinn fyrir að fara þessa leið, segir Sigurður að þetta sé meðalhófsreglan. „Það er ekki verið að ganga lengra en nauðsyn er," segir hann.