Lífsleikni Gillz ekki frumsýnd á föstudag

Stórveldið hefur ákveðið að fresta sýningu á bíómyndinni Lífsleikni Gillz um óákveðinn tíma en frumsýna átti myndina á föstudaginn.

Það var kvikmyndavefurinn Svarthöfði sem greindi frá málinu fyrr í dag. Á vefsíðunni er haft eftir Sigmari Vilhjálmssyni, sem er einn af eigendum kvikmyndagerðarfélagsins, að málaferli, sem Egill Einarsson stendur í, sé ekki lokið.

„Um miðja síðustu viku kom nýtt atriði upp í þessu máli sem gerir það að verkum að við viljum bíða með sýningar á þáttunum," segir Sigmar í samtali við Svarthöfða.is.

Þættirnir áttu upphaflega að vera sýndir á Stöð 2 en eftir að það var sett á ís var ákveðið að klippa þættina saman í bíómynd í fullri lengd.