Vinna að því að fylla Ártúnsbrekkuna af snjó

Það hafa eflaust einhverjir skíðamenn horft með öfundaraugum til snjóþyngslanna á Norðurlandi undanfarna daga, en veður á höfuðborgarsvæðinu hefur ekki boðið upp á miklar snjóiðkanir. Það kann þó að breytast, því starfsmenn á vegum Íþrótta- og tómstundaráðs Reykjavíkur og skíðasvæðanna, vinna nú að því að því að fylla Ártúnsbrekku, fyrir ofan gömlu rafstöðina, snjó.

Til þess notast þeir við snjóbyssu og efniviðurinn er vatn úr Elliðaánum. Í samtali við Magnús Árnason, framkvæmdastjóra skíðasvæðanna, varð Ártúnsbrekkan fyrir valinu þar sem það er stutt í árnar, en mikinn snjó þarf til þess að fylla brekkuna.

Vonast er til að brekkan verið tilbúin til skíðaiðkunar næstkomandi miðvikudag. „Með fyrirvara þó," bætir Magnús við. Það er raunar spáð eins stigs hita á miðvikudaginn, en svo fer að frysta á fimmtudaginn. Það er því ekki ólíklegt að borgarbúar geti leikið sér í snjónum þegar það líður á vikuna.