Íslenskir karlmenn með stærsta liminn í Evrópu

Íslenskir karlmenn eru með stærsta getnaðarlim í Evrópu, samkvæmt nýrri könnun Ulster-háskólans á Bretlandi. Getnaðarlimur meðal karlmanns á Íslandi er 16,51 cm í fullri reisn.

Til samanburðar eru karlmenn í Kongó í Afríku að meðaltali með um 18 cm getnaðarlim í fullri reisn en karlmenn frá Norður- og Suður-Kóreu eru með 9,65 cm, sem eru minnstu getnaðarlimir í heimi.

Ef litið er á löndin í kringum okkur þá eru breskir karlmenn með 13,97 cm og Frakkarnir eru með 13,46 cm. Bandarískir karlmenn eru með 12,95 cm, Ítalir með 15,74 og Svíar með 14,98 cm.

Niðurstöður úr könnuninni voru birtar í tímaritinu Personality and Individual Differences en það er breska götublaðið Daily Mail sem greinir frá þeim í dag.