Árborgarstrætó verður ekki lengur ókeypis

Í næstu viku hefst gjaldtaka í strætóferðum milli Selfoss, Eyrarbakka og Stokkseyrar í fyrsta sinn. Vegna skólasetninga á svæðinu í þessari viku var ákveðið að hefja ekki gjaldtöku fyrr en á mánudaginn næsta.

Leiðir 74 og 75 voru áður reknar af sveitarfélaginu í Árborg. Þær eru nú orðnir hluti af almenna samgöngukerfinu og Samband Íslenskra Sveitarfélaga (SASS) hefur tekið við rekstrinum. Þorvarður Hjaltason, framkvæmdastjóri SASS, segir að ákveðið hafi verið að rukka 350 kr. fyrir farið. „Það er ekki annað hægt, bara upp á jafnræði," segir hann.