Vilja óháða rannsókn

Forsvarsmenn Eimskips segja miklu minna magn olíu hafa lekið úr Goðafossi en norsk yfirvöld halda fram. Talsmaður Stofnunar hafs og strandar í Noregi segir Eimskip fá gögn með niðurstöðum rannsókna með haustinu. Upphæð skaðabótakröfunnar geti breyst.

Norsk yfirvöld lögðu til allt að 2.2 milljarða til hreinsunarstarfs eftir að flutningaskipið Goðafoss strandaði í Óslólarfirði í febrúar í fyrra. Stofnun hafs og stranda í Noregi telur að um 105 tonn af olíu hafi lekið í fjörðinn. Málið þykir alvarlegt enda er fjörðurinn friðland og sjávarþjóðgarður Norðmanna.

Forsvarsmenn Eimskip segja að fyrirtækið sé vel tryggt og kostnaður muni ekki lenda á fyrirtækinu vegna þessa. Þeir telja þó olíulekann úr Goðafossi ofmetinn og sagði Ólafur William Hand, upplýsingafulltrúi fyrirtækisins í hádegisfréttum Bylgjunnar Eimskip hefðu fengið óháðan aðila til að rannsaka málið og uppruna þeirrar olíu sem var hreinsuð upp.

Þá var hann ósáttur við að heyra af fréttum af skaðabótakröfu norskra yfirvalda í fréttum.

Talsmaður Stofnunar hafs og stranda í Noregi segir að Eimskipsmenn hefðu geta sagt sér það sjálfir að það myndi fara draga til tíðinda í þessu máli.

„Hvað varðar þær upplýsingar sem komið hafa fram undanfarna daga legg ég áherslu á að þetta er venjulegur framgangsmáti norskra yfirvalda við að krefjast endurgreiðslu vegna tjóns," segir Johan Marius Lyv. Við erum nú að safna saman nauðsynlegum skjalfestum gögnum sem fylgja munu endurgreiðslukröfunni sem við sendum útgerðinni á haustmánuðum."