Íslandsmeistaramót í fjallahjólreiðum

Íslandsmeistaramótið í fjallahjólreiðum fer fram við Hvaleyrarvatn á morgun. 30 hjólreiðagarpar eru skráðir til leiks.

Keppt verður bæði í karla og kvennaflokki en brautin er ein sú mest krefjandi hér á landi og ekki víst að allir muni ljúka keppni. Það sem einkennir brautina er að hjólað er nánast allan tímann um skóglendi og krefst því mikillar tækni og færni að fara brautina sem er 8,7 kílómetrar að lengd.

Allt helsta hjólreiðarfólk landsins er skráð til leiks en keppnin hefst stundvíslega klukkan 10 við Hvaleyrarvatn.

Nánari upplýsingar má finna hér.