Íslandsmet slegið í fiskveiði

Íslandsmetið í mestum afla sem smábátur yfir 10 brúttótonn hefur fengið í einum túr var slegið nýlega. Það var báturinn Bíldsey SH sem kom með 22,5 tonn í land eftir einn túr þann 13. ágúst. Fyrra metið var 22,3 tonn. Frá þessu er greint á vef Aflafrétta.

Báturinn er þrjátíu tonna krókaflamarksbátur með fjóra einstaklinga í áhöfn. Aflinn sem var að mestu leyti þorskur var tekinn á 16 rekka eða 19.600 króka.

Þorskurinn fer allur beint í sölu en aðrar tegundir verða seldar á fiskmarkaði. Skipstjórinn gerir ráð fyrir því að verðmæti aflans nemi milli 7 og 8 milljónum króna.