Ben Stiller myndaði íslenska maraþonhlaupara

Stórstjarnan Ben Stiller var við Reykjavíkurhöfn í morgun þegar hann sá hlaupara í Reykjavíkurmaraþoni hlaupa framhjá. Leikarinn segir á Twitter síðu sinni að hann hafi verið að fara að finna hentuga tökustaði fyrir kvikmynd sína, The secret life of Walter Mitty þegar hann sá hóp maraþonhlaupara fara hjá. Hann greip því farsímann og tók meðfylgjandi mynd af hlaupurunum, sem brostu vingjarnlega til stórleikarans.

Eins og fram kom í fréttum í morgun þá eru fyrstu hlaupararnir í hálfmaraþoni komnir í mark. Þorbegur Ingi Jónsson sigraði það hlaup og hljóp 21 kílómeter á einni klukkustund og níu mínútum.

Ben Stiller stoppaði þó stutt í Reykjavík í morgun því hann er á leiðinni vestur samkvæmt Twitter síðu hans.