Djokovic sneri við blaðinu og komst áfram á Wimbledon

Novak Djokovic komst í hann krappann gegn Tékkanum Radek Stepanek í 3. umferð einliðaleiks karla á Wimbledon í dag.

Serbinn sem á titil að verja á mótinu tapaði fyrsta settinu gegn Stepanek 6-4 og útlit fyrir álíka uppnám og varð á mótinu í gær. Þá féll Rafael Nadal úr leik gegn óþekktum Tékka í dramatískum fimm setta leik.

Fljótlega í öðru setti varð ljóst að hið sama myndi ekki henda Djokovic. Serbinn vann settið 6-2 líkt og næstu tvö og tryggði sér sæti í 4. umferð.

Djokovic mætir landa sínum viktor Toicki í næstu umferð.