Nær 100 umsóknir um hælisleit liggja fyrir hérlendis

Nær hundrað umsóknir frá hælisleitendum liggja nú fyrir hjá Útlendingastofnun og innanríkisráðuneytinu. Þessum umsóknum hefur fjölgað verulega á síðustu árum.

Þetta kemur fram í svari við fyrirspurn Sigmundar Ernis Rúnarssonar þingmanns Samfylkingarinnar til innanríkisráðherra á Alþingi. Þannig lá samtals 21 umsókn fyrir um hæli á Íslandi í árslok árið 2009 en þær voru orðnar 75 talsins í lok síðasta árs.

Fram kemur í svarinu að ef þessi þróun verði svipuð í ár og verið hefur undanfarin þrjú ár megi búast við umsóknum fjölgi um 50% og að rúmlega 100 umsóknir um hæli berst til fyrrgreindra stofnana á þessu ári.

Sem stendur eiga 64 einstaklingar umsóknir um hæli hjá Útlendingastofnun og 35 umsóknir liggja fyrir hjá innanríkisráðuneytinu.

Kostnaður við hvern hælisleitenda nemur rúmlega 2,6 milljónum kr. á ári en hið opinbera greiðir ákveðið daggjald með hverjum þeirra sem bíður eftir hæli á landinu.