Öll rafræn þjónusta Reykjavíkurborgar lá niðri

Um klukkan tíu í morgun rofnaði ljósleiðari einhvers staðar á milli Tæknigarðs háskólans og Upplýsingatæknimiðstöðvar Reykjavíkurborgar.

Bilunin hafði þær afleiðingar að öll rafræn þjónusta Reykjavíkurborgar lá niðri þar til viðgerð hafði farið fram. Um klukkan 13:40 var ljósleiðarinn kominn í lag og þjónustan þar með virk.

Heimasíða borgarinnar, rafræn Reykjavík, og allt sem tengist veraldarvefnum, t.a.m. heimasíður leikskóla, voru því óvirkar í rúma þrjá og hálfan tíma.

Reykjavíkurborg biðst afsökunar á ónæði sem þetta kann að hafa valdið.