Forseti fundaði með Google

Forseti átti í gær fund með sendinefnd frá Google sem heimsækir Ísland í boði hans. Tilgangur ferðarinnar er að kanna möguleika á samstarfi um ábyrgara eftirlit með veiðum á höfum heims. Einkum var litið til hvernig upplýsingatækni og reynsla Íslendinga nýtist í þessum efnum.

Ákveðið var á fundinum að vinna grundvöll að áætlun um slíkt samstarf á næstu mánuðum og misserum.

Sendinefndin lét ekki við það sitja að ræða aðeins við forsetan heldur átti hún einnig viðræður við fyrirtæki á sviði upplýsingatækni og í sjávarútvegi, til dæmis Siglingamálastofnun, Hafrannsóknastofnun, Vaktstöð siglinga og fleiri aðila.