Sigmundur: Álag á opinbera starfsmenn aukist gríðarlega

Álag á opinbera starfsmenn á borð við kennara og heilbrigðisstarfsfólk hefur aukist gríðarlega, sagði Sigmundur Davíð Gunnlaugsson. Hann sagði mikilvægt að búa starsfólki í þessum mikilvægu greinum betri starfskjör og vinnuumhverfi. Annars muni það leita að vinnu annars staðar.

Sigmundur Davíð lagði annars þunga áherslu á eflingu atvinnulífs í ræðu sinni. „Ný ríkisstjórn þarf að huga að því að auka kaupmátt og auka atvinnu," sagði Sigmundur og benti á að stutt væri til kosninga. Sigmundur Davíð sagði jafnframt að ríkisstjórnin þyrfti að leggja ofuráherslu á það að auka menntun á sviði verkfræði og tryggja að fólk með slíka menntun fái vinnu hér. Þá lagði hann áherslu á ferðamennsku fyrir íslenskan efnahag.

Loks benti Sigmundur Davíð á að nýlegar rannsóknir bendi til þess að vinnanleg olía sé við Íslandsstrendur. Ný ríkisstjórn þyrfti að gera allt til þess að flýta fyrir leit og vinnslu olíu.