Sóley búin að prófa Boot Camp: "Takk samt fyrir boðið"

Boði Logason skrifar 7. maí 2012 20:36

Sóley Tómasdóttir er búin að prófa Boot Camp. Eigandi Boot Camp bauð henni að koma í tíma í dag. mynd/anton brink

„Ég er búin að prófa Boot Camp, ég gerði það árið 2007. Þannig takk samt, ég er í fínu formi þrátt fyrir að vera ekki hjá þeim," segir Sóley Tómasdóttir, borgarfulltrúi Vinstri Grænna í borgarstjórn. Arnaldur Birgir Konráðsson, annar eiganda Boot Camp, skoraði á Sóleyju að koma og prufa einn tíma hjá þeim í samtali við Vísi í dag.

Ástæðan var sú að Vinstri græn hafa lagst gegn því að Boot Camp fái aðstöðu í húsi Fornbílaklúbbsins á Rafstöðvarvegi. VG telur að ekki fari vel á því að koma fyrir á þessu svæði líkamsrækt með herbúðarsniði, eins og það er orðað í bókun þeirra. Arnaldur Birgir segir það sprenghlægilegt enda sé Boot Camp eins og hver önnur líkamsrækt.

„Þetta er bara eitt orð í bókuninni sem varðar þá í raun og veru. Aðalmálið er náttúrlega að við teljum þessa starfsemi ekki samræmast þeim skipulagslegu forsendum sem við viljum hafa að leiðarljósi," segir Sóley.

Stefnt er að því að opna Boot Camp í Elliðaárdal í næsta mánuði. Tillagan hefur ekki verið afgreidd í borgarstjórn er gert er ráð fyrir því að það verði gert fljótlega.

Tengdar fréttir

Vinstri grænir leggjast gegn heræfingum í Elliðaárdal

Vinstri grænir í Reykjavíkurborg leggjast gegn því að Boot Camp fái aðstöðu í gamla húsnæði Fornbílaklúbbsins neðst í Elliðaárdal fyrir æfingaaðstöðu. DV greindi frá því á síðasta ári að Sjöstjarnan ehf, félag Skúla Gunnars Sigfússonar, sem oft er kenndur við Subway, hefði keypt hús af Fornbílaklúbbi Reykjavíkur. Hann leigði það til fyrirtækisins BootCamp og verður það notað undir líkamsræktarstöð. Í frétt DV kom jafnframt fram að kaupin væru háð þeim fyrirvara að borgaryfirvöld samþykki breytingar á deiliskipulagi á lóðinni. Samkvæmt núgildandi deiliskipulagi má eingöngu vera safn í húsinu.

7. maí 2012 14:00

Eigandi Boot Camp býður Sóleyju í prufutíma

Boot Camp er bara venjuleg líkamsræktarstöð og á ekkert skylt við hernað, segir Arnaldur Birgir Konráðsson, annar eigenda Boot Camp, í samtali við Vísi. Vinstri græn hafa lagst gegn því að Boot Camp fái aðstöðu í húsi Fornbílaklúbbsins á Rafstöðvarvegi. Telja VG að ekki fari vel á því að koma fyrir á þessu svæði líkasrækt með herbúðarsniði.

7. maí 2012 16:23

Mest lesið

Fleiri fréttir