Cindi Lauper með Arcade Fire

Cindy Lauper, sem heldur tónleika í Hörpunni 12. júní, steig óvænt á svið með kanadísku hljómsveitinni Arcade Fire á New Orleans-djasshátíðinni fyrir skömmu.

Lauper og Régina Chassagne úr Arcade Fire sungu þar saman vinsælasta lag Lauper, Girls Just Want To Have Fun, við mikinn fögnuð viðstaddra.

Lauper hélt áfram og söng einnig lag Arcade Fire, Sprawl II (Mountains Beyond Mountains), af síðustu plötu hljómsveitarinnar, The Suburbs. Hér fyrir ofan má sjá myndband sem einn tónleikagesta tók á farsímann sinn af herlegheitunum.