Ströng móðir

Madonna er strangt foreldri og segist sjá til þess að Lourdes, elsta dóttir söngkonunnar, vinni ávallt heimavinnu sína áður en hún fer og sinnir áhugamálum sínum.

Madonna og Lourdes hanna saman fatalínu sem heitir Material Girl eftir einum smelli söngkonunnar.

„Heimavinnan er alltaf í fyrsta sæti hjá Lourdes. Við leggjum mikla áherslu á menntun á mínu heimili. Lourdes elskar tísku og er dugleg að aðstoða við línuna okkar, ég stend meira í skugganum og fylgist með. Hún heldur líka úti bloggi tengdu línunni og ég les það alltaf yfir og sé til þess að hún geri það almennilega,“ sagði Madonna.