Erfitt að læra nóturnar

Chris Cornell, söngvari rokksveitarinnar Soundgarden, segist hvorki kunna að lesa né skrifa nótur. Hann sér eftir því að hafa ekki haldið áfram með píanónám sitt þegar hann var lítill.

„Ég lærði að lesa nótur þegar ég var tíu ára og var í píanónámi. Því miður var ég týndur í náminu. Mér leið eins og ég væri í skóla. Þetta var bara enn eitt fagið fyrir mér. Ég átti líka frekar grimman píanókennara,“ sagði Cornell. Hann reyndi að byrja að læra nótur aftur þegar hann var kominn á þrítugsaldur en fannst það mjög erfitt og hætti.