Rússneskur sportbílaframleiðandi í Formúlu 1

Rússneski bílaframleiðandinn Marussia er formlega kominn í Formúlu 1 og frumsýndi Marrussia Virgin liðið nýjan bíl sinn í London í dag. Fyrirtækið keypti hlut í Virgin liðinu, sem Richard Branson hefur stýrt og Rússinn Nikolay Fomenko er einn af yfirmönnum liðsins.

Fomenko er forseti Marussia í sínu heimalandi og er stoltur af tengingunni við Formúlu 1.

"Við erum ákaflega stoltir af því að Marussia er ekki aðeins hluti af útliti bílsins, heldur ber hann nafnið. Ég er sérstaklega ánægður með það að við ökum með rússneskt keppnisskírteini 2011. Það þýðir að við getum hlakkað til að sjá rússneska fánann þegar við komust í fyrsta skipti á verðlaunapall",sagði Fomenko í tilkynningu frá liðinu í dag.

Ökumenn Marussia Virgin Racing eru Þjóðverjinn Timo Glock og nýliðinn Jerome d' Ambrosio frá Belgíu.

"Markmið okkar í ár er að komast á leiðarenda í öllum mótum og komast í aðra umferð tímatökunnar reglulega. Við þurfum að taka lítill en rösk skref á þessu tímabili, til að næta stöðu okkar. Ég er spenntur hvað framtíðina varðar og að skipast á upplýsingum á milli Formúlu 1 liðsins og bílaframleiðslunnar", sagði Fomenko, en Marussia er sportbílaframleiðandi, eins og Ferrari.