Aldrei fleiri umsóknir

Alls bárust 233 umsóknir í umsóknarferli Kraums tónlistar­sjóðs sem lauk í síðustu viku. Aldrei fyrr hafa jafn margar umsóknir borist í umsóknarferli sjóðsins en á síðasta ári voru þær 193 talsins.

Flestar umsóknirnar sem bárust núna eru frá hljómsveitum og listamönnum sem sækja um stuðning og samstarf fyrir margvísleg verkefni sín á árinu. Má þar nefna tónleikahald, kynningu á verkum, lagasmíðar og plötugerð.

Frá því að Kraumur hóf starfsemi sína hafa yfir áttatíu flytjendur hlotið stuðning, þar á meðal Mugison, Bang Gang og Dikta.