Pepsimörkin: Halldór Orri með fingurinn á lofti

Halldór Orri Björnsson leikmaður Stjörnunnar var til umfjöllunar í Pepsimörkunum á Stöð 2 sport í gær. Þar vakti Magnús Gylfason athygli á því að Halldór hafi gefið stuðningsmönnum FH „fingurinn“ þegar hann fór útaf í síðari hálfleik.

„Er þetta langatöngin,“ spurði Hörður Magnússon og Magnús svaraði því játandi. „Ég bið frekar um fögnin en þetta,“ bætti Magnús við og vísaði í skemmtileg fögn sem Stjörnumenn sýndu á síðustu leiktíð. „Þetta er ljótt að sjá og hann heyrði öskrin í áhorfendum og hann labbaði svona útaf vellinum. Halldór Orri er frábær leikmaður og við höfum hrósað honum oft í þessum þætti en þetta var ljóður á hans leik í dag,“ sagði Magnús.