Nýlega var gengið frá kaupum VÍS á hlut Exista í Öryggismiðstöð Íslands. Fyrr á árinu hafði VÍS eignast lítinn hlut og er eignahlutur VÍS í Öryggismiðstöðinni nú samanlagt um 80%. Framkvæmdastjóri Öryggismiðstöðvarinnar og helstu stjórnendur félagsins ráða yfir um 20% hlut í félaginu, eftir því sem fram kemur á vef VÍS.
Öryggismiðstöðin hefur rekið öryggisþjónustu fyrir einstaklinga og fyrirtæki í fimmtán ár. Fyrirtækið rekur eigin stjórnstöð til móttöku boða frá öryggiskerfum viðskiptavina allan sólarhringinn, alla daga ársins. Frá árinu 2008 hefur fyrirtækið jafnframt boðið margvíslegar lausnir og þjónustu á velferðarsviði, s.s. heimaþjónustu til fatlaðra og eldri borgara, fjölbreytt úrval stuðnings- og hjálpartækja til einstaklinga og fyrirtækja.
VÍS eignast 80% hlut í Öryggismiðstöðinni
