Íslenski boltinn

Yfirlýsing frá Breiðablik vegna félagaskipta Elfars Freys

Kolbeinn Tumi Daðason skrifar
Elfar Freyr og Arnar Grétarsson þegar Elfar var kynntur til eiks í Aþenu.
Elfar Freyr og Arnar Grétarsson þegar Elfar var kynntur til eiks í Aþenu. Mynd/MAM
Knattspyrnudeild Breiðabliks hefur sent frá sér yfirlýsingu vegna félagaskipta Elfars Freys Helgasonar til AEK Aþenu. Blikar voru ósáttir við framgöngu gríska félagsins en Elfar Freyr spilaði ekki með liðinu gegn Rosenborg í Þrándheimi líkt og þeir höfðu reiknað með.

Yfirlýsingin í heild sinni:

Yfirlýsing knattspyrnudeildar Breiðabliks vegna félagaskipta Elfars Freys Helgasonar til AEK Aþenu

Knattspyrnudeild Breiðabliks fagnar félagaskiptum Elfars Freys Helgasonar til AEK Aþenu. Enn á ný fær ungur og efnilegur leikmaður, sem uppalinn er í Breiðabliki, tækifæri á að fara út í atvinnumennsku og láta drauma sína rætast. Það er til marks um markvisst og gott uppeldisstarf knattspyrnudeildar Breiðabliks enda hefur að jafnaði einn leikmaður Breiðabliks haldið utan í atvinnumennsku á ári síðastliðin sex ár.  

Betur hefði mátt fara í fáeinum atriðum varðandi félagaskipti Elfars og telur knattspyrnudeild Breiðabliks að brotið hafi verið á rétti hennar hvað varðar eðlilegt ferli og samskipti um félagaskipti leikmanna. Það verður þó ekki látið skyggja á þennan gleðilega atburð og óskar knattspyrnudeild Breiðabliks Elfari velgengni á nýjum vettvangi.

Stjórn knattspyrnudeildar Breiðabliks


Tengdar fréttir

Elfar Freyr seldur í skugga deilna

Elfar Freyr Helgason er nýjasti atvinnumaður Íslands í knattspyrnu. Hann hélt á sunnudag til Grikklands og skrifaði í gærmorgun undir þriggja ára samning við AEK Aþenu.

Elfar var seldur á 21 milljón króna

Samkvæmt áreiðanlegum heimildum Fréttablaðsins er kaupverðið á Elfari Frey í kringum 21 milljón íslenskra króna. Þá fá Blikar 40 prósent af söluverði verði hann seldur frá félaginu í framtíðinni.

Elfar Freyr: Heiður að spila fyrir AEK

Elfar Freyr Helgason skrifaði í dag undir þriggja ára samning við gríska félagið AEK Aþenu. Fjallað er um komu Íslendingsins á heimasíðu félagsins þar sem Elfar Feyr og Arnar Grétarsson yfirmaður knattspyrnumála hjá félaginu sjást takast í hendur.




Fleiri fréttir

Sjá meira


×