Methagnaður hjá Icelandair Group

Hagnaður af rekstri Icelandair Group nam 4,6 milljörðum króna á síðasta ári, samkvæmt ársreikningi félagsins sem kynntur var í dag.

Sigurður Helgason, stjórnarformaður fyrirtækisins, segir í ávarpi sínu í ársskýrslunni að síðasta ár hafi verið það besta í sögu Icelandair Group. Velta fyrirtækisins hafi aukist um 10% á árinu og hafi numið 88 milljöðrum íslenskra króna í lok ársins. EBIDTA fyrirtækisins hafi verið 12,6 milljarðar en 8,1 milljarður árið undan.

„Bættan árangur má fyrst og fremst rekja til aukinna tekna af farmiðasölu," segir Sigurður Helgason Hann segir að auknar tekjur megi rekja til þess að betri sætanýting hafi náðst. Þá segir Sigurður að mikilvægasta verk fyrirtækisins á síðasta ári hafi verið endurskipulagning á fjármálum þess. Fagfjárfestum hafi boðist að kaupa hlut í fyrirtækinu og nú sé Fjárfestingasjóður Íslands stærsti hluthafi félagsins.