Íslandspóstur kaupir hlut í Fraktmiðlun

Íslandspóstur hefur keypt hlut í fyrirtækinu Fraktmiðlun ehf, sem starfar undir heitinu Frakt.is. Fraktmiðlun er alhliða flutningsmiðlun sem sérhæfir sig í flutningum milli landa í flug og sjófrakt ásamt tengdri þjónustu.

Í tilkynningu segir að Íslandspóstur á fyrir TNT hraðflutninga og með samstarfi þessarra þriggja fyrirtækja næst fram enn meiri styrkur í þjónustu Íslandspósts og TNT hraðflutninga á flutningamarkaði milli landa.

Viðskiptavinum býðst því aukin þjónusta og fleiri valkostir í flutningamálum síns fyrirtækis.

Þjónusta í flug- og sjófrakt, hraðsendingum, flutningstengdri þjónustu og ráðgjöf.

Fraktmiðlun hefur flutt starfsemi sína í Póstmiðstöð að Stórhöfða 32, 110 Reykjavík.