Meira en helmingur telur að laun muni standa í stað

Um 52% stjórnenda í stærstu fyrirtækjum landsins telja að laun muni standa í stað á næstu 6 mánuðum en 45% telja að laun muni hækka.

Þetta kemur fram í nýrri könnun sem Capacent gerði fyrir Samtök atvinnulífsins. Samanvegið reikna stjórnendur með að laun hækki um 1,4% að meðaltali á næstu 6 mánuðum.

Í flestum atvinnugreinum er reiknað með hækkunum á bilinu 1-1,5%, nema í byggingariðnaði þar sem ekki er reiknað með neinum hækkunum. Lítill munur er á höfuðborgarsvæði og landsbyggð eða eftir því hvort fyrirtækin selji vörur til útlanda eða ekki.