Gordon Brown hótar diplómatísku stríði við Íslendinga

Þetta kemur fram á vefsíðunni financialadvice.co.uk en ekki er getið um hvar Gordon Brown lét þessi orð falla, aðeins sagt að hann hafi blandað sér í deiluna um Icesave í gærdag með þessum hætti.

Á síðunni segir að þessi orð Gordon Brown setji íslensk stjórnvöld í mjög erfiða stöðu þar sem þau hafi glatað stuðningi sínum á heimavelli og eru nú um það bil að glata stuðningi vinaþjóða sinna á alþjóðavettvangi.

Fram kemur á síðunni að þetta mál hefði ekki getað komið upp á verri tíma fyrir Gordon Brown. Kosningar séu framundan á Bretlandseyjum og kjósendur fylgist grannt með hverju orði sem komi frá stjórnvöldum.