Icesave boltinn er hjá Íslendingum

Ríkisstjórnin fundaði með stjórnarandstöðunni á mánudag til að finna þverpólitískan sáttaflöt í Icesave málinu. Formenn flokkanna ætla að funda aftur í þessari viku, væntanlega á morgun.

Samkvæmt heimildum fréttastofu líta bresk og hollensk stjórnvöld svo á að ekki verði gengið til samningaviðræðna að nýju nema íslensk stjórnvöld óski þess sérstaklega. Þá verði ennfremur að liggja fyrir þverpólitísk samstaða um málið á Íslandi enda sé óljóst hvort stjórnarflokkarnir tveir hafi nægilega styrkt til ganga frá nýjum samningi.

Þjóðaratkvæðagreiðsla um Icesave á að fram um mánaðarmótin febrúar/mars. Ríkisstjórnin lítur svo á að ef það á nást þverpólitísk sátt í málinu verði það gerast á næstu dögum.

Það gæti þó tafist enda gætir mikillar tortryggni milli stjórnar og stjórnarandstöðu í málinu.

Samkvæmt heimildum fréttastofu lítur ríkisstjórnin svo á að það sé lykilatriði að sjálfstæðisflokkur fallist á einshverskonar sátt. Menn telja hins vegar ólíklegt að hægt verði að ná samkomulagi við framsóknarmenn.

Stjórnarandstaðan efast hins vegar um vilja ríkisstjórnarinnar í málinu. Er bent á að ríkisstjórnin hafi margoft lýst því yfir að það samkomulag sem nú liggur fyrir sé besta sem völ er á og því gæti það orðið óþægilegt ef það reynist ekki vera satt.