Fjögur fyrirtæki styðja sprotafyrirtæki

Í tilkynningu segir að stuðningur fyrirtækjanna fjögurra verður nýttur til fyrirtækja og frumkvöðla með viðskiptahugmynd sem tengist: A) gerð tölvuleikja, B) iðnaði og vélaverkfræði, C) hugbúnaðargerð fyrir fyrirtæki, D) samskiptalausnum eða samfélagsmótun eða E) flutningum og dreifingu.

Styrkurinn nemur 200.000 krónum á fyrirtæki. Alls eru fimmtán styrkir í boði að því gefnu að fyrirtæki eða viðskiptahugmyndir falli í fyrrgreinda flokka og séu áhugaverðar.

„Aukin samvinna fyrirtækja er nauðsynleg við uppbyggingu á íslensku efnahagslífi. Sérstaklega þurfum við að samnýta auðlindir og hæfni, sem annars væri ónýtt, til að skapa verðmæti. Ný og áhugaverð fyrirtæki vekja ekki einungis von heldur smita þau líka gjarnan út frá sér og ýta undir frumkvæði til framfara. Við þurfum slíkt frumkvæði," segir Eyþór Ívar Jónsson, framkvæmdastjóri Klaks - Nýsköpunarmiðstöðvar atvinnulífsins, sem starfrækir Viðskiptasmiðjuna.

Í Viðskiptasmiðjunni - Hraðbraut nýrra fyrirtækja gefst fyrirtækjum og einstaklingum kost á að ljúka diplómagráðu í frumkvöðlafræðum. Í náminu móta frumkvöðlar og stjórnendur sprotafyrirtækja sitt eigið fyrirtæki í samstarfi við aðra frumkvöðla, sérfræðinga í fyrirtækjaráðgjöf og stjórnun fyrirtækja og fræðimenn og athafnamenn. Námið eflir viðskiptaþekkingu og býr til mikilvægt tengslanet.