Evrópusamtökin: Bremsuyfirlýsing Bjarna

Evrópusamtökin kalla orð Bjarna Benediktssonar, formanns Sjálfstæðisflokksins, um Evrópumál á landsfundi flokksins bremsuyfirlýsingu. Í ræðu sinni sagði Bjarni að við núverandi aðstæður væri réttast að draga umsókn Íslands að Evrópusambandinu til baka en ef umsókninni verði haldið til streitu beri að vinna að því að tryggja hagsmuni Íslands.

Á vef Evrópusamtakanna segir að Sjálfstæðisflokkurinn sé ekki lengur burðarás þegar kemur að íslenskum utanríkismálum. Í orðum Bjarna felst ekki skýr stefna, að mati samtakanna. „En um leið er þetta einnig svona "haltu mér slepptu mér" og tilraun til að brúa bil milli tveggja mjög andstæðra póla í flokknum.“