Fréttamaðurinn og þáttastjórnandinn Þóra Arnórsdóttir var valin sjónvarpsmaður ársins á Edduverðlaunahátíðinni sem fór fram í Háskólabíói í kvöld.
Fjölmörg verðlaun voru afhent á hátíðinni. Guðrún Gísladóttir var verðlaunuð sem meðleikkona ársins fyrir leik sinn í kvikmyndinni Desember. Þá fékk Björn Thors verðlaun sem meðleikari ársins fyrir hlutverk sitt sem Kenneth Máni í Fangavaktinni.
Sýnt var frá hátíðinni í opinni dagskrá Stöðvar 2. Kynnir var Baltasar Kormákur.
Þóra Arnórsdóttir sjónvarpsmaður ársins
