Trúleysingjar freista þess að fá páfa handtekinn

Tveir Bretar og þekktir trúleysingjar, Cristopher Hitchens og Richard Dawkins, ætla að freista þess að fá Benedikt 16. páfa handtekinn þegar hann kemur til Bretlands í haust. Þeir segja nægar forsendur fyrir handtökunni því Páfi hafi þaggað niður kynferðisbrot í kaþólsku kirkjunni og hylmt yfir með kynferðisbrotamönnum.

Þeir Hitchens og Dawkins segja að þrátt fyrir að Páfi sé þjóðarleiðtogi sé hann ekki friðhelgur því hann sé ekki leiðtogi ríkis sem njóti viðurkenningar Sameinuðu þjóðanna.