Fjárlaganefnd lýkur Icesave umfjöllun í dag

Fjárlaganefnd Alþingis mun ljúka umfjöllun um Icesave málið í dag eða í kvöld, segir Guðbjartur Hannesson, formaður nefndarinnar í samtali við fréttastofu. Fjárlaganefnd fundaði um málið í morgun og ákvað nefndin að fá með sér hóp til að vinna texta að breytingum á frumvarpinu í samræmi við óskir nefndarinnar.

„Síðan ætlum við að taka þann texta fyrir í dag þegar búið er að vinna hann. Væntanlega funda menn um það í þingflokkum og svo tekur nefndin það út, annað hvort í sátt eða ekki," segir Guðbjartur. Hann segist treysta á að sátt verði um málið þegar yfir lýkur. „En það sér ekki séð fyrir endann á því. Það eru allir með fyrirvara um það að sjá endanlega útfærslu á frumvarpinu," segir Guðbjartur.