Fáir þekkja nýja seðlabankastjórann

Það virðist vera rétt hjá Davíð Oddssyni að hinn nýi seðlabankastjóri Svein Harald Öygard er ekki stórt nafn í hinum alþjóðlega fjármálaheimi.

Á landsfundi Sjálfstæðisflokksins í gær sagði Davíð að norðmaðurinn væri lausamaður norska Verkamannaflokksins sem kæmi ekki einusinni upp ef nafn hans væri slegið inn á leitarvélina Google.

Vísir sló Öygard inn á Google og fékk upp þrettánþúsund og eitthundrað tilvísanir. Þær virtust þó yfirleitt tengjast því að sagt hefur verið frá því í fréttum um allan heim að norðmaðurinn hafi verið gerður að seðlabankastjóra Íslands.

Um hann sjálfan er ekkert að finna jafnvel ekki á Wikipedia.

Þetta má bera saman við Evu Joly sem er nýráðin sem ráðgjafi sérstaks saksóknara í bankahruninu. Um hana eru 3.420.000 færslur.

Og Davíð Oddsson sjálfur? Jú, 870 þúsund færslur.